سینٹ انتخابات میں ووٹوں کی خریدوفروخت کرنےوالےملک و قوم کے خیر خواہ نہیں ہو سکتے، اسپیکر قومی اسمبلی

اسپیکرقومی اسمبلی اسد قیصر نے کہا ہے کہ سینٹ انتخابات میں ووٹوں کی خرید و فروخت کرنے والے کبھی بھی ملک و قوم کے خیر خواہ نہیں ہو سکتے۔وہ قومیں کبھی بھی ترقی کی منازل طے نہیں کر سکتیں جن کے تانے بانے بد عنوانی سے جڑے ہوں۔ ملک اور قوم کو جس بحران کا سامنا ہے اس کی بنیادی وجہ بد عنوانی ہے۔ ملک کے وسیع تر مفاد میں بحثیت قوم بد عنوانی کے خاتمے کے لیے ہم سب کو اپنا کردار ادا کرنا ہو گا۔

ان خیالات کا اظہار انہوں نے اتوار کے روز ضلع صوابی کے گاؤں گاڑ میں سوئی گیس منصوبے کے افتتاح کے موقع پر ایک بڑے عوامی اجتماع سے خطاب کرتے ہوئے کیا۔اسپیکر نے کہا کہ مریم نواز نے ڈسکہ میں جاگ پنجابی جاگ کا نعرہ لگا کر لسانیت کو ہوا دی ہے۔

انہوں نے کہا کہ ایک سیٹ کے لیے علاقائی تعصب کا نعرہ لگانا قوم کو تقسیم کرنے کے متعرادف ہے۔انہوں نے موجود حکومت وفاق سمیت صوبوں بھی حکومت کر رہی ہے۔انہوں نے کہا کہ عوام کے بھرپور اعتماد کی بدولت پی ٹی آئی کو وفاق سمیت صوبوں میں اقتدار ملا ہے۔ انہوں نے کہا کہ اس بات سے بخوبی آگاہ ہیں کہ مہنگائی کی وجہ سے عوام پریشان ہیں۔انہوں نے کہا کہ 70سال سے حکومت میں رہنے والوں کی وجہ سے ملک کا یہ حال ہوا ہے۔انہوں نے کہا کہ پاکستان کے تمام بڑے ادارے خسارے کا سامنا ہے جس پی آئی اے اور اسٹیل مل شامل ہیں۔

انہوں نے کہا کہ جب موجود حکومت نے اقتدار سنبھالا تو خزانے میں تنخواہ دینے کے پیسے نہیں تھے۔انہوں نے کہا کہ ہمسایہ اور دوست ملکوں کی امداد سے ملک کی معشیت سہارا ملا ہے۔انہوں نے کہا کہ ملک مشکل دور سے نکل کر ترقی کی راہ پر گامزان ہو چکا ہے۔ انہوں نے کہا کہ قوم کو تھوڑی بہت مشکلات کا سامنا کرنا پڑے گا بہت جلد حکومت ان مشکلات پر قابو پانے میں کامیاب ہو جائے گی۔