امریکی جامعات میں اسرائیل مخالف مظاہروں پرنیتین یاہو کے ہوش اڑ گئے
اسرائیلی وزیراعظم نے میڈیا سے گفتگو کرتے ہوئے کہا کہ امریکی تعلیمی اداروں میں جو کچھ ہو رہا ہے وہ انتہائی خوفناک ہے، معروف اور بڑی جامعات پر یہودی مخالف ہجوموں نے قبضہ کر لیا ہے جو اسرائیل کے خاتمے کا مطالبہ کر رہے ہیں
امریکی جامعات میں فلسطین کے حق میں جاری احتجاجی مظاہروں پر اسرائیلی وزیراعظم بن یامین نیتن یاہو سیخ پا ہو گئے۔
خبر کے مطابق، اسرائیلی وزیراعظم نے میڈیا سے گفتگو کرتے ہوئے کہا کہ امریکی تعلیمی اداروں میں جو کچھ ہو رہا ہے وہ انتہائی خوفناک ہے، معروف اور بڑی جامعات پر یہودی مخالف ہجوموں نے قبضہ کر لیا ہے جو اسرائیل کے خاتمے کا مطالبہ کر رہے ہیں۔
نیتن یاہو نے کہا کہ یہ یہود مخالف ہجوم یہودی طلبہ اور اساتذہ پر حملے کررہے ہیں، وہ اسرائیل مردہ باد، یہودی مردہ باد یہاں تک کہ امریکہ مردہ باد کے نعرے لگارہے ہیں، یہی کچھ 1930 میں جرمن جامعات میں بھی ہوا تھا، اس سلسلے کو روکنا اور اس کی مذمت کرنی ہوگی۔
انہوں نے کہا کہ امریکہ اور یورپی ممالک میں یہود دشمنی میں کئی گنا اضافہ ہوا ہے، ہم تو غزہ میں صرف اپنا دفاع کررہے ہیں، ہم پر قتل عام کا جھوٹا الزام لگایا جارہا ہے۔
واضح رہے کہ امریکہ کی کولمبیا یونیورسٹی سمیت متعدد جامعات میں غزہ میں اسرائیلی مخالف کے خلاف دھرنے اور مظاہرے جاری ہیں۔
امریکی پولیس نے بڑے پیمانے پر طلبہ کو گرفتار کیا ہے اور ان کے داخلے بھی معطل کیے گئے ہیں،اس کے باوجود احتجاج میں مزید شدت آتی جارہی ہے۔
اس احتجاج میں ہر طبہ فکر اور مذہب سے تعلق رکھنے والے طلبہ و طالبات اور اساتذہ شریک ہیں۔
کولمبیا یونی ورسٹی خصوصا اس احتجاج کا مرکز ہے جہاں طلبہ و طالبات اپنی یونیورسٹیوں سے مطالبہ کر رہے ہیں کہ وہ اسرائیل کی حامی کمپنیوں کا مکمل بائیکاٹ کریں۔
مظاہرین کا نعرہ ہے “نسل کشی میں سرمایہ کاری بند کرو۔
متعللقہ خبریں
سعودی عرب، بلا اجازت حج کے خلاف اقدامات پر آج سے عمل در آمد شروع
یہ عمل درآمد سعودی عرب میں مقیم غیر ملکی شہریوں تک محدود ہو گا