رفح کے مختلف مقامات پر اسرائیلی فوج کے حملوں میں کم از کم 8 فلسطینی شہید
سول ڈیفنس کی ٹیمیں ملبے تلے سے ہلاک اور زخمیوں کو نکالنے کا کام جاری رکھے ہوئے ہیں اور ہلاکتوں میں اضافے کا خدشہ ہے
غزہ کی پٹی کے جنوب میں رفح کے مختلف مقامات پر اسرائیلی فوج کے حملوں میں کم از کم 8 فلسطینی شہید ہو گئے۔
صحت کے ذرائع سے موصول ہونے والی اطلاعات کے مطابق رفح کے مشرق میں واقع الاسلام محلے میں حملے میں ایک فلسطینی خاتون اپنی جان سے ہاتھ دھو بیٹھی اور کچھ لوگ زخمی ہوئے تاہم زخمیوں کی تعداد نہیں بتائی گئی۔
شہر کے مغرب میں تل الاسلطان محلے میں رضوان خاندان سے تعلق رکھنے والے ایک گھر پر بمباری کے نتیجے میں 7 فلسطینی جاں بحق اور بچوں سمیت متعدد افراد زخمی ہوگئے۔
زخمیوں کو رفح کویت اسپتال منتقل کیا گیا ہے، واضح رہے کہ سول ڈیفنس کی ٹیمیں ملبے تلے سے ہلاک اور زخمیوں کو نکالنے کا کام جاری رکھے ہوئے ہیں اور ہلاکتوں میں اضافے کا خدشہ ہے۔
متعللقہ خبریں
شام، دمشق کے ہوائی اڈے کے جوار میں فوجی پوائنٹ پر اسرائیل کا فضائی حملہ
اسرائیل اور شامی انتظامیہ کی جانب سے اس حملے کے حوالے سے تاحال کوئی بیان سامنے نہیں آیا
