اسرائیلی جنگی طیاروں نے بچوں کے پارک کو بھی نشانہ بنا ڈالا

غزہ کی پٹی کے وسطی علاقے میگازی پناہ گزین کیمپ میں بچوں کے کھیل کے میدان پر اسرائیلی جنگی طیاروں کے حملے میں بچوں اور خواتین سمیت 10 افراد جان کی بازی ہار گئے۔

عینی شاہدین کا کہنا ہے کہ اسرائیلی جنگی طیاروں نے میگازی پناہ گزین کیمپ میں کھیل کے میدان کو نشانہ بنایا۔

عینی شاہدین نے بتایا کہ حملے  کی زد میں آنے والے شہریوں میں کثیر تعداد  بچوں کی تھی جو کہ میدانِ کھیل میں کھلونوں کے ساتھ تفریح ​​کرتے ہوئے اسرائیلی جنگی طیاروں کانشانہ بنے۔

ہلاک ہونے والے  10 افراد کی لاشیں دیر البیلہ کے اقصی شہداء اسپتال لے جائی گئیں۔

7 اکتوبر سے غزہ کی پٹی پر اسرائیل کے حملوں میں 14 ہزار 500 بچوں اور 9 ہزار 560 خواتین سمیت 33 ہزار 843 فلسطینی شہید اور 76 ہزار 575  افراد زخمی ہوئے ہیں۔