غزہ میں اسرائیل بربریت کے خلاف دنیا بھر میں احتجاجی مظاہرے

غزہ پر اسرائیل کے حملوں پر جہاں اس نے قحط اور جبری بھوک و پیاس کی پالیسیوں سمیت  قتل عام جاری رکھا ہوا ہے پر رد عمل کا  عمل بھی  جاری ہے۔

جرمن دارالحکومت برلن میں مقیم اسرائیلیوں نے غزہ میں فوری جنگ بندی کا مطالبہ کرتے ہوئے ایک احتجاجی مظاہرہ کیا۔

احتجاج کے دوران انہوں نے "اسرائیلی عوام امن کے لیے "، "اسرائیلی بھائیو  اب جنگ بندی کے لیے"، "جنگ بند کرو"، "جرمنی تمھاری خاموشی انسانوں کا قتل کر رہی ہے" اور "سب کے لیے انسانی حقوق"   تحریروں پر مبنی جرمن، انگریزی اور عبرانی زبان میں بینرز اٹھا رکھے تھے۔

نیدرلینڈ کے شہر لیڈن میں طلباء اور ماہرینِ تعلیم نے  نیشنل آرگنائزیشن آف ڈچ یونیورسٹیز (یو این ایل) کی عمارت کے سامنے جمع ہو کر ہاتھوں میں بینرز اٹھا ئے  اور اسرائیل کی حمایت کرنے والی یونیورسٹیوں کے خلاف نعرے بازی کی۔ مظاہرین نے غزہ کے ساتھ اظہار یکجہتی کیا اور لیڈن یونیورسٹی کی طرف مارچ کیا۔

یمن میں لاکھوں افراد کی شراکت سے  غزہ کی پٹی میں اسرائیلی قبضے اور حملوں کا نشانہ بننے والے فلسطینیوں کے ساتھ یکجہتی کے لیے  مظاہرے کیے گئے۔

حوثیوں کی اپیل  پر دارالحکومت صنعاء میں "آپ اکیلے نہیں ہیں.. ہم غزہ کے شانہ بشانہ  ہیں" نعروں کے ساتھ ایک مظاہرہ کیا گیا۔

یمنی دارالحکومت کی سبین اسٹریٹ میں جمع ہوئے اور نماز جمعہ کے بعد فلسطین کی حمایت کا پیغام دیا۔

مراکش میں ہزاروں افراد  نے غزہ کی پٹی میں "مہلک قحط" کے خلاف احتجاج کیا۔

فلسطینیوں کی حمایت میں مراکشی عوام نے نعرے لگائے جیسے "عوام فلسطین کی آزادی چاہتے ہیں"، "عوام چاہتے ہیں کہ امداد پہنچے" اور "غزہ عزت و  وقار ہے"۔

مظاہرین  نے فلسطین پر اسرائیل کے قبضے کے خلاف عالمی برادری اور تنظیموں سے جنگ بندی کے قیام  اور کارروائی کرنے کا مطالبہ کیا۔