"نیتین یاہو استعفی دو" عوام کا حکومت مخالف مظاہرہ

غزہ میں اسرائیلی قیدیوں کی واپسی، وزیراعظم بن یامین  نیتن یاہو کی حکومت کے استعفے اور قبل از وقت انتخابات کے مطالبات کے لیے اسرائیلی سڑکوں پر نکل آئے۔

تل ابیب میں ہزاروں مظاہرین وزارت دفاع کے سامنے جمع ہوئے، علاقے میں لگائے گئے اسٹیج پر سابق سیاستدانوں اور قیدیوں کے لواحقین نے تقاریر کیں۔

مظاہرین نے وزیر اعظم نیتن یاہو، ان کے انتہائی دائیں بازو کے اتحادیوں کے وزیر خزانہ بیزلیل سموٹریچ اور قومی سلامتی کے وزیر اتمار بین گویر کی تصویر کے ساتھ ایک بڑا بینر لہرایا۔

مظاہرین نے تل ابیب کے مرکزی مقامات سے ہوتے ہوئے کپلان اسٹریٹ کی طرف مارچ کرنے کی کوشش کی۔

اسرائیلی پولیس نے گھڑسوار دستوں اور ٹوما کے ساتھ مظاہرین کے خلاف مداخلت کی۔ اسرائیلی پولیس نے غزہ کی پٹی میں اسرائیلی قیدیوں کے اہل خانہ کے ایک گروپ کے خلاف بھی طاقت کا استعمال کیا۔

 اسرائیلی پولیس اور مظاہرین کے درمیان اکثر جھڑپیں ہوتی رہیں۔

اسرائیلی پولیس کی جانب سے دیے گئے بیان کے مطابق 19 مظاہرین کو حراست میں لے لیا گیا۔

مظاہرین اکثر نیتن یاہو کو مخاطب کرتے ہوئے نعرے لگاتے رہے، آپ  لیڈر ہیں، آپ مجرم ہیں ،سب جانتے ہیں کہ آپ مجرم ہیں انتخابات  فورا کروائیں۔

تل ابیب کے علاوہ مغربی القدس، حیفہ اور قیصریہ میں ہزاروں اسرائیلیوں نے حکومت کے استعفے اور قبل از وقت انتخابات کا مطالبہ کرتے ہوئے مظاہرے کئے۔

اسرائیلی پولیس کی مداخلت کے دوران مظاہرین کے ساتھ ہاتھا پائی بھی ہوئی۔