غزہ میں جنگ بندی ہو بھی جائے حزب اللہ پر حملے جاری رہیں گے، اسرائیل

اسرائیلی وزیر دفاع یوو گیلنٹ نے کہا کہ اگر غزہ کی پٹی میں جنگ بندی ہو جاتی ہے تب بھی شمال میں حزب اللہ کے ساتھ جھڑپیں جاری رہیں گی۔

یدی اوتھ احرونات  اخبار نے گیلنٹ کے بیان کی ویڈیو ریکارڈنگ  جاری کی ہے۔

اس کے مطابق، گیلنٹ نے کہا، "اگر اسرائیل غزہ کے خلاف اپنے حملے بند بھی کر دے، تب بھی یہ  شمال میں حزب اللہ کے خلاف اپنے حملے بند نہیں کرے گا۔ اگر حزب اللہ یہ سمجھتی ہے کہ جب وہ جنوب جنگ بند ہو جائے گی تو وہ شمال میں روک دے گا، تو یہ ان کا مغالطہ ہے۔"

گیلنٹ نے کہا، "میں واضح طور پر کہتا ہوں کہ یہاں حملے اس وقت تک ختم نہیں ہوں گے جب تک ایسی صورت حال پیدا نہیں ہو جاتی جہاں شمال کے لوگ محفوظ رہ سکیں۔"

ادھر اسرائیلی فوج کے جنگی طیاروں نے جنوبی لبنان کے قصبے بلیدہ میں حزب اللہ کے ٹھکانوں پر فضائی حملہ کیا۔

اسرائیلی فوج کی جانب سے دیے گئے بیان میں کہا گیا ہے کہ لبنانی سرزمین سے سرحدی علاقوں میں واقع  ا وی ویم اور یرون بستیوں کے خلاف کچھ حملے کیے گئے  ہیں۔

بیان میں کہا گیا ہے کہ حملے میں کوئی جانی نقصان نہیں ہوا اور فوج کے جنگی طیاروں نے حزب اللہ کے بلیدہ قصبے میں اہداف کو نشانہ بنایا۔

بیان میں کہا گیا ہے کہ کیفر شوبا قصبے میں اسلحہ ذخیرہ کرنے کے لیے استعمال ہونے والے ٹرک کو بھی نشانہ بنایا گیا۔