اسرائیل کے ساتھ قیدیوں کے تبادلے کی واحد شرط حملوں کا خاتمہ ہے، حماس

حماس کے پولیٹیکل بیورو کے رکن اسامہ الاحمدان نے کہا  ہے کہ اسرائیل کے ساتھ قیدیوں کے تبادلے کے ممکنہ معاہدے کی واحد شرط غزہ کی پٹی پر حملوں کامکمل طور پر خاتمہ کرنا ہے۔

الاحمدان نے لبنانی دارالحکومت بیروت میں حماس کے دفتر میں 111 دنوں سے اسرائیلی حملے کی زد میں ہونے  والی غزہ کی پٹی کے حوالے سے ایک  بیان دیا۔

اسرائیل اور حماس کے درمیان قیدیوں کے تبادلے کے نئے معاہدے اور حملوں کے مکمل خاتمے کے لیے ثالث ممالک کی تجاویز کا سنجیدگی سے جائزہ لینے کا اظہار کرنے والے  الاحمدان نے کہا، "ہم اس بات پر زور دیتے ہیں کہ ہمارے لوگوں کے خلاف حملوں کو مکمل طور پر روکا جانا چاہیے تاکہ غاصب صہیونی  فوجی  زندہ  سلامت  اپنے اہل خانہ کے پاس لوٹ سکیں۔"

اسرائیلی وزیر اعظم بنجمن نیتن یاہو خوابوں کی دنیا میں ہے اور غزہ   پر حملوں کو بضد جاری رکھ کر اپنے کچھ مقاصد حاصل کرنا چاہتا ہے،  کا دعوی کرتے ہوئے  الاحمدان نے کہا، "غزہ صرف ان کے خوابوں، منصوبوں، اور فوج کی قبر بنے گا۔ "

انہوں نے  اس بات پر زور دیا کہ نیتن یاہو اپنے ہی جھوٹ اور خواب اپنے عوام پر مسلط کرنے کے درپے ہے "نیتن یاہو کو اسرائیلی فوجیوں کی جانوں کی کوئی پرواہ نہیں جو ہر روز مرتے ہیں یا حماس کے ہاتھوں پکڑے جاتے ہیں۔"