ایران اور اس کے آلہ کاروں نے روش نہ بدلی تو نتائج سنگین ہونگے: اسرائیل

 اسرائیلی وزیر خارجہ یسرائیل کاتز  نے ایران سے متعلق کہا ہے کہ اگر اس نے  اپنی روش نہ بدلی تو  نتائج سنگین ہونگے۔

 یسرائیل کاتز نے  اسرائیل کے دورے پر موجود برطانوی  ہم منصب  ڈیوڈ کیمرون سے ملاقات کے بعد ایک تحریری بیان جاری کیا ہے۔

 اس بیان میں اسرائیلی وزیر خارجہ نے کہا کہ ایران اور اس کے آلہ کاروں کے خلاف ہم کسی تردد سے کام نہِیں لیں گے،حزب اللہ نے اگر اپنا طرز عمل نہ بدلا تو خمیازہ پورا لبنان ادا کرے گا۔

 کاتز نے مزید کہا کہ  حماس کا خاتمہ اور اسرائیلی اسیروں کی  بحفاظت واپسی پر ہمارا موقف واضح ہے۔

 برطانوی وزیر خارجہ ڈیوڈ کیمرون نے دورہ قطر سے قبل  بتایا تھا کہ اسرائیلی وزیر خارجہ نےاسیروں کی رہائی کے لیے قطر پر دباو ڈالنے کا مطالبہ کیا تھا۔