ایران کی امریکہ کو وارننگ: حوثیوں پر حملے جنگ کا دائرہ وسیع کر دیں گے

ایران کے وزیر خارجہ حسین امیر عبداللہیان نے کہا ہے کہ حوثیوں پر امریکی حملے جنگ کا دائرہ وسیع کر دیں گے۔

ایران کے سرکاری ٹیلی ویژن کے مطابق عبداللہیان، اقوام متحدہ سلامتی کونسل کے غزّہ کے موضوع پر متوقع اجلاس میں شرکت کے لئے، نیویارک کے دورے پر ہیں۔

اجلاس سے قبل جاری کردہ بیانات میں انہوں نے علاقے کی صورتحال کا جائزہ لیا ہے۔

امریکہ اور برطانیہ کے یمنی حوثیوں پر کئے گئے فضائی حملوں کا ذکر کرتے ہوئےعبداللہیان نے کہا ہے کہ "ہم نے امریکہ اور برطانیہ کو سنجیدہ سطح پر پیغامات دے دئیے  اور تنبیہات کر دی ہیں۔ ہم نے کہہ دیا ہے کہ یہ حملے علاقائی امن و سلامتی کے لئے خطرہ ہیں اور جنگ کا دائرہ کھُلا کر دیں گے"۔