اسرائیل کی جارحیت سے غزہ میں شہدا کی تعداد 23 ہزار 843 ہو گئی

7 اکتوبر سے غزہ کی پٹی پر اسرائیل کے حملوں میں شہید ہونے والے فلسطینیوں کی تعداد 23 ہزار 843 ہو گئی ہے۔

غزہ کی وزارت صحت کی جانب سے جاری کردہ تحریری بیان میں غزہ کی پٹی پر 99 دنوں سے جاری اسرائیل کے حملوں کے بارے میں معلومات فراہم کی گئی  ہیں۔

بیان میں کہا گیا ہے کہ اسرائیل نے غزہ کی پٹی پر اپنے حملوں میں گزشتہ 24 گھنٹوں کے دوران 135 فلسطینیوں کو شہید اور 312 افراد کو زخمی کیا۔

بیان میں کہا گیا کہ اسرائیلی فورسز نے گزشتہ روز "12 قتل عام" کیے اور 7 اکتوبر سے حملوں میں شہید ہونے والے فلسطینیوں کی تعداد 23 ہزار 843 اور زخمیوں کی تعداد 60 ہزار 317 ہو گئی۔

بتایا گیا ہے کہ کچھ زخمی اب بھی ملبے کے نیچے یا سڑک کے کنارے پڑے ہیں اور ایمبولینس اور شہری دفاع کی ٹیمیں ان تک نہیں پہنچ سکیں۔