شام، داعش کے اسد قوتوں اور ایران کے حمایت یافتہ دہشت گردوں پر حملے

دہشت گرد تنظیم داعش نے مشرقی شام کے صوبہ دیر الزور میں اسد حکومت اور ایران کے حمایت یافتہ دہشت گرد گروہوں پر مشتمل حکومتی فورسز کے ہیڈ کوارٹر اور ایک پوائنٹ پر حملہ کیا۔

مقامی ذرائع سے حاصل کردہ معلومات کے مطابق، داعش کے رکن دہشت گردوں نے دیرزور کے جنوب میں تبنی گاؤں میں اسد حکومت اور ایرانی حمایت یافتہ دہشت گرد گروہوں پر مشتمل حکومتی افواج کے فوجی ہیڈ کوارٹر کے طور پر استعمال کی جانے والی  17ویں رجمنٹ پر حملہ کیا۔

اطلاع کے مطابق  داعش کے دہشت گردوں نے 17ویں رجمنٹ پر حملے کے دوران حکومت کے بہت سے عناصر کو حراست میں لے لیا۔

دوسری طرف، داعش نے دیر الزور کے شمال مغربی دیہی علاقوں میں دوئیر گاؤں میں ایرانی حمایت یافتہ دہشت گرد گروہوں کے ایک مقام پر حملہ کیا۔

حکومتی فورسز نے حملے ہونے والے علاقوں میں  اضافی کمک بھیجی  ہے۔

جھڑپوں کے بعد، داعش کے دہشت گرد ہیڈکوارٹر اور ان پوائنٹس سے پیچھے ہٹ گئے جن پر انہوں نے حملہ کیا۔

دریں اثنا، دیر الزور صوبے میں، مظلوم عرب قبائل اور امریکہ کی حمایت یافتہ علیحدگی پسند دہشت گرد تنظیم PKK/YPG کے درمیان رات  کے وقت 7 مقامات پر  جھڑپیں ہوئیں۔

مقامی ذرائع سے حاصل کردہ معلومات کے مطابق، دیر الزور کے مشرقی اور جنوب مشرقی دیہی علاقوں میں عرب قبائل کی  PKK/YPG  کےدہشت گردوں کے ساتھ جھڑپ ہوئی۔

عرب قبائل نے شوہیل، الکبور، زیبان، الکرزی، حوائچ، سیکان اور بوصیرہ کے دیہاتوں میں سڑکوں کے چیک پوائنٹس ، ہیڈکوارٹرز اور دہشت گردوں کی گاڑیوں کو نشانہ بنایا۔