غزہ کی صورتحال ناقابل بیان ہے فوری جنگ بندی ہونی چاہیئے:ڈاریکٹرعالمی ادارہ صحت
ٹیڈ روس ایڈہانوم نےتباہ حال غزہ کے ایک اسپتال کا دورہ کیا جس کے بعد انہوں نے کہا کہ جنوبی غزہ میں انصر اسپتال کے حالات ناقص سے بھی بدتر ہیں اور اسپتال میں گنجائش سے تین گنا زائد مریض موجود ہیں
2071894
عالمی ادارہ برائے صحت کے سربراہ ٹیڈ روس ایڈہانوم گیبریسوس کا کہنا ہے کہ اسرائیلی بمباری کے باعث غزہ کے اسپتالوں کی صورتحال ناقابل تصور ہے۔
ٹیڈ روس ایڈہانوم نے صیہونی بمباری سے تباہ حال غزہ کے ایک اسپتال کا دورہ کیا جس کے بعد اظہار خیال کرتے ہوئے انہوں نے کہا کہ جنوبی غزہ میں انصر اسپتال کے حالات ناقص سے بھی بدتر ہیں اور اسپتال میں گنجائش سے تین گنا زائد مریض موجود ہیں۔
ٹیڈ روس ایڈہانوم نے کہا کہ اسپتال میں مریضوں کا علاج زمین پر کیا جا رہا ہے، مریض درد سے چیخ رہے ہیں اور صورتحال پر تشویش کا اظہار کرنے کیلئے الفاظ تک نہیں مل رہے۔