غزہ پر اسرائیلی حملوں کا سلسلہ جاری

ایک ہفتے میں 1,900 افرادکے  ہلاک اور 7,696 افراد کے زخمی ہونے والے فضائی حملوں کے بعد اسرائیل نے اعلان کیا کہ اس نے غزہ میں مقامی چھاپے مارے، جہاں وہ زمینی کارروائی کی تیاری کر رہا تھا۔

اسرائیلی فوج کی جانب سے جاری کردہ بیان میں بتایا گیا تھا کہ ان واقعات میں 1300 اسرائیلیوں کی جانیں گئیں اور 3 ہزار 436 اسرائیلی زخمی ہوئے، یہ دعویٰ کیا گیا کہ چھاپوں کے دوران غزہ میں اسرائیلی یرغمالیوں کا پتہ لگانے میں معاون ثابت ہونے والے دلائل مل گئے ہیں۔

غزہ میں داخلی امور کی وزارت نے اعلان کیا ہے کہ اسرائیل نے فلسطینیوں کے قافلے پر حملہ کیا جسے اپنا گھر بار چھوڑنا پڑا۔ اس حملے میں 70 افراد ہلاک اور 200 سے زائد زخمی ہوئے  ہیں۔

اسرائیل  زیر محاصرہ غزہ کی پٹی پر اپنے فضائی حملوں کا سلسلہ جاری رکھے ہوئے ہے تو رفاہ شہر پر فضائی حملے کے نتیجے میں علاقے سے دھواں اٹھنے لگا۔

اسرائیلی حملوں سے بچ کر نکلنے والے 35 ہزار فلسطینیوں نے غزہ کے شفا اسپتال میں پناہ لی ہے۔

ہسپتال انتظامیہ کی جانب سے جاری بیان میں یہ بھی کہا گیا کہ محفوظ علاقوں میں پناہ لینے کی کوشش کرنے والے فلسطینیوں کو سڑکوں پر نشانہ بنایا گیا۔

اسرائیل کی جاری شدید بمباری کے بعد، بہت سے فلسطینیوں نے سوشل میڈیا پر اپنی وصیتیں شیئر کرنا شروع کر دیں، اس خدشے سے کہ اسرائیل غزہ کی پٹی پر زمین سے حملہ کر دے گا۔

جہاں غزہ والوں نے اپنی وصیت میں ان لوگوں سے معافی مانگی جو ان کے حقوق رکھتے ہیں اگر انہیں کچھ ہو جائے تو انہوں نے اس بات پر بھی زور دیا کہ انہوں نے یہ پیغامات اس لیے نہیں لکھے کیونکہ وہ موت سے ڈرتے تھے۔

اسرائیلی میڈیا نے اعلان کیا کہ حماس کے عسکری ونگ عزالدین القسام بریگیڈز نے غزہ کی پٹی کے قریب ایک اسرائیلی فوجی ہیلی کاپٹر کو راکٹ لانچر سے نشانہ بنا کر تباہ کر دیا۔

خبر میں اسرائیلی پائلٹوں کی صحت کے بارے میں کوئی اطلاع نہیں دی گئی۔

سرحدی گزرگاہیں بند ہونے کی وجہ سے کئی دنوں سے کوئی امدادی سامان غزہ کی پٹی میں داخل نہیں ہو سکا ہے۔

اقوام متحدہ کے ترجمان سٹیفن دو جارچ نے خبردار کیا ہے کہ غزہ میں صحت اور پانی کی خدمات تباہی کے دہانے پر ہیں۔

عالمی ادارہ صحت کے ڈائریکٹر جنرل تیدروس  نے کہا کہ غزہ میں العودہ ہسپتال کو خالی کرنے سے جانوں کو خطرہ لاحق ہو گا اور اسرائیل سے کہا  ہےکہ وہ اپنے اس فیصلے سے پیچھے ہٹ جائے۔

گزشتہ روز اسرائیلی فورسز نے مغربی کنارے کے کئی علاقوں میں غزہ کی حمایت میں ہونے والے مظاہروں میں براہ راست گولیوں سے مداخلت کی۔ ایک ہی دن میں 16 فلسطینی شہید اور 100 سے زائد زخمی ہوئے۔ اسرائیلی فوجیوں نے مغربی کنارے کے مختلف علاقوں میں بھی چھاپے مارے۔ اس کے جواب میں اسرائیلی فوج اور مسلح فلسطینیوں کے درمیان جھڑپیں ہوئیں۔ نبلوس میں چھاپوں کے دوران حماس تحریک کے عہدیداروں کو بھی حراست میں لیا گیا۔

لبنانی سرحد پر بھی کشیدگی کی فضا قائم  ہے۔

اسرائیلی فوج نے اعلان کیا کہ اس نے ملک میں دراندازی کی کوشش کرنے والے ڈرون کے جواب میں حزب اللہ کے ایک ہدف کو نشانہ بنایا گیا ہے۔