شامی فوج کے ادلیب پر حملوں میں گشتہ ہفتے 42 افراد لقمہ اجل

گزشتہ ہفتے ادلیب اور حلب پر شامی فوج اور روس کے حملوں میں 12 بچوں اور 9 خواتین سمیت 42 شہری اپنی جانوں سے ہاتھ دھو بیٹھے اور 79 ہزار شہری نقل مکانی پر مجبور ہوئے۔

ادلیب میں اعداد و شمار کو یکجا کرنے والے شام کے ایمرجنسی رسپانس کوآرڈینیشن آفس کے ڈائریکٹر محمد حلاج نے ادلیب کشیدگی میں کمی علاقے کی سرحدوں کے اندر شامی فوج اور اس کے حامی روس کے زمینی اور فضائی حملوں کے حوالے سے ایک بیان دیا۔

اس بات پر زور دیتے ہوئے کہ ادلیب اور حلب میں حملوں میں بین الاقوامی قوانین کے تحت ممنوعہ ہتھیاروں کا 9 بار استعمال کیا گیا، حلاج نے کہا کہ 12 بچوں اور 9 خواتین سمیت 42 شہری اپنی جانیں گنوا بیٹھے اور 214 شہری زخمی ہوئے۔

حملوں کے نتیجے میں تقریباً 79 ہزار شہری بے گھر ہونے کا ذکر کرنے والے  خالاج نے کہا، "ادلیب میں 51 عوامی خدمات کی عمارتیں، جن میں 11 اسکول، 7 خیمہ کیمپ، 15 صحت کی سہولیات شامل ہیں، کو نشانہ بنایا گیا۔"

ان کا کہنا تھا کہ ان حملوں میں انسانی امدادی تنظیموں کے 2 ارکان ہلاک جبکہ 4 زخمی ہو گئے ہیں۔