اسرائیل کے فلسطینی کیمپوں پر حملوں میں 500 سے زائد فلسطینی شہری ہلاک
اسرائیلی جنگی طیاروں کے غزہ کی پٹی کے مختلف علاقوں پر رات بھر کیے گئے فضائی حملوں میں 24 افراد جان کی بازی ہار گئے
اعلان کیا گیا ہےکہ جبالیہ پناہ گزین کیمپ پر اسرائیل کے فضائی حملے کے نتیجے میں درجنوں فلسطینی ہلاک اور زخمی ہوئے۔
غزہ کی وزارت صحت نے اس حوالے سے ایک بیان جاری کیا۔
بیان میں کہا گیا کہ جبالیہ پناہ گزین کیمپ کو اسرائیلی فضائی حملے میں نشانہ بنایا گیا اور اس حملے میں درجنوں فلسطینی ہلاک اور زخمی ہوئے۔
وزارت صحت نے ان حملوں میں ہلاکتوں اور زخمیوں کے بارے میں بھی معلومات فراہم کی ہیں جو ہفتے کے روز سے جاری ہیں۔
بیان میں کہا گیا کہ 7 اکتوبر سے غزہ پر اسرائیل کے حملوں میں 560 افراد اپنی جانوں سے ہاتھ دھو بیٹھے اور 2900 افراد زخمی ہوئے۔
اسرائیلی جنگی طیاروں کے غزہ کی پٹی کے مختلف علاقوں پر رات بھر کیے گئے فضائی حملوں میں 24 افراد جان کی بازی ہار گئے۔
غزہ کے اسپتالوں اور سیکیورٹی ذرائع سے حاصل کردہ معلومات کے مطابق غزہ کے قریب رفح شہر میں ابو ہلال خاندان کے گھر پر اسرائیلی جنگی طیاروں کے فضائی حملے کے نتیجے میں ایک خاندان کے 18 افراد جان کی بازی ہار گئے اور زخمی ہوگئے۔
خان یونس شہر میں ابوالعمرین خاندان سے تعلق رکھنے والا مکان جنگی طیاروں سے فائر کیے جانے والے راکٹ کی زد میں آ گیا جس کے نتیجے میں 5 افراد جاں بحق اور متعدد زخمی ہو گئے۔
اسرائیلی جنگی طیاروں نے غزہ کے مشرق میں شوکیہ ضلع میں حماس تحریک کے بانی اور پولیٹیکل بیورو کے رکن راوی مشتاحہ کے گھر پر بھی فضائی حملہ کیا۔
اسرائیلی جنگی طیاروں نے یرموک مسجد کو میزائلوں سے نشانہ بنایا۔ بمباری سے مسجد تباہ ہو گئی۔
اس تباہی کے ساتھ ہی ناکہ بندی شدہ غزہ کی پٹی پر اسرائیل کے فضائی حملوں میں تباہ ہونے والی مساجد کی تعداد 4 ہو گئی۔
درجنوں ٹینک، بکتر بند گاڑیاں اور اسرائیلی فوج کے فوجی یونٹ غزہ کی پٹی کے ارد گرد تعینات ہیں، تو علاقے میں کاروائیاں جاری ہیں۔
غزہ میں مزاحمتی گروپوں نے اسرائیلی فوج کے غزہ پر فضائی حملوں کا جواب راکٹوں سے دیا۔
حماس کے عسکری ونگ عزالدین القسام کے ترجمان ابو عبیدہ نے بیان کیا کہ اسرائیل کی جانب سے غزہ پر گزشتہ رات اور آج کی بمباری کے نتیجے میں 4 اسرائیلی اورالقسام بریگیڈ کا ایک رکن مارا گیا۔
اس حملے میں مبینہ طور پر ہلاک ہونے والے اسرائیلیوں کی شناخت کے حوالے سے کوئی معلومات نہیں دی گئیں۔
غزہ پر فضائی حملوں کے علاوہ اسرائیلی فوج نے مغربی کنارے پر اپنے حملوں میں اضافہ کر دیا ہے۔
