امریکہ  سن 1967  کی سرحدوں کی حامل ریاست فلسطین کو تسلیم کرے، فلسطینی وزیر اعظم

فلسطینی  وزیر اعظم کے دفتر  سے جاری کردہ اعلامیہ کے مطابق  عشطیہ نے  امریکی کانگریس کے ارکان پر مشتمل  ایک وفد کو  راملہ میں  اپنے  دفتر  میں شرف ملاقات بخشا

1849767
امریکہ  سن 1967  کی سرحدوں کی حامل ریاست فلسطین کو تسلیم کرے، فلسطینی وزیر اعظم

فلسطینی  وزیر اعظم  محمد عشطیہ نے  دو مملکتی  حل کے تحفظ کے لیے  امریکہ سے  سن 1967  کی سرحدوں کی حامل ریاست فلسطین کو تسلیم   کرنے کی اپیل کی ہے۔

فلسطینی  وزیر اعظم کے دفتر  سے جاری کردہ اعلامیہ کے مطابق  عشطیہ نے  امریکی کانگریس کے ارکان پر مشتمل  ایک وفد کو  راملہ میں  اپنے  دفتر  میں شرف ملاقات بخشا۔

اس دوران  فلسطینی رہنما نے  کانگریس کے وفد کو فلسطین کی تازہ سیاسی صورتحال سے آگاہی کرائی۔  انہوں نے  دونوں ممالک کے مابین دو طرفہ تعاون کو براہ راست تقویت دینے  سمیت  فلسطینی تنظیم نجات کو دہشت گرد تنظیموں کی فہرست سے خارج کرنے اور  قیام امن کے  شراکت دار کی نگاہ سے دیکھنے کی    اہمیت پر زور دیا۔

وزیر اعظم  عشطیہ نے اس بات پر زور دیا کہ دو ریاستی حل کو برقرار رکھنے کے لیے 1967 کی سرحدوں پر فلسطینی ریاست کو تسلیم کرنا اور القدس میں امریکی قونصل خانہ اور واشنگٹن میں فلسطین  تنظیم نجات  کے دفتر کو دوبارہ کھولا جانا لازمی ہے۔

اسرائیل کے تمام یکطرفہ طرز عمل کو روکنے کے لیے امریکی دباؤ کی اہمیت کی طرف توجہ مبذول کرتے ہوئے،  عشطیہ نے  اسرائیل کو ان معاہدوں پر عمل درآمد کرنے اور ان کا احترام کرنے پر مجبور کرنے کی ضرورت پر زور دیا۔

 



متعللقہ خبریں