فلسطین مصالحتی مذاکرات میں شرکت کی غرض سے روس کی جانب سے حماس کو دعوت نامہ

تحریکِ حماس  کے سیاسی  بیورو کے رکن اور بین الاقوامی  تعلقات کے ذمہ دار موسی ابو مرزوق  کا کہنا ہے کہ  فلسطین مصالحتی مذاکرات میں شرکت کی غرض سے  انہیں روس سے دعوت نامہ موصول ہوا ہے۔

ابو مرزوق نے ٹیلی ویژن چینل اقصی سے انٹرویو میں بتایا ہے کہ بطور حماس ہم  فلسطین کی قومی یکجہتی اور  تقویت کے لیے کسی بھی دعوت کو مسترد نہیں کرتے ۔

انہوں نے بتایا  کہ  مذاکرات میں شمولیت کی واحد شرط فلسطینی عوام کے مستقل دعوے  میں کسی قسم کی عدم رعایت   اور حقیقی   سیاسی  شراکت  ہے۔

فلسطینی انتظامیہ اور تحریک فتح   سے  اپنا محاسبہ کرنے اور غلطیوں کا اعتراف کرنے   کی اپیل کرنے والے ابو  مرزوق نے  بتایا کہ فتح تنظیم نے الجزائر کے فلسطینی گروہوں   کی میزبانی کرنے کے معاملے  میں  دعوت کو قبول نہیں  کیا تھا اور روس کی اس اپیل کا بھی تا حال کوئی مثبت جواب نہیں دیا۔