اسرائیلی فوج کی گولی سے ایک فلسطینی ہلاک

اسرائیلی فوج نے دریائے اردن کے مغربی کنارے کے مقبوضہ علاقے میں آج ایک فلسطینی کو گولی مار کر ہلاک کر دیا۔

اس ہلاکت کی فلسطینی حکام کے علاوہ مقامی طبی ذرائع نے بھی تصدیق کر دی ہے۔

ہلاک شدہ فلسطینی کی عمر اکیس سال اور نام باقر ہشاش بتایا گیا ہے۔

اسے مغربی کنارے کے شمالی شہر نابلوس کے نواح میں سر میں گولی ماری گئی۔

جس وقت یہ واقعہ پیش آیا اس وقت اسرائیلی فوج نابلوس کے قریب ایک مہاجر کیمپ میں کارروائی کر رہی تھی۔