مقبوضہ علاقوں میں اسرائیلی فوج نے اقدامات سخت کر دیئے

شمالی اسرائیل کی گِلبوآ جیل سے چھ عسکریت پسند فلسطینی قیدیوں کے فرار ہونے کے بعد مغربی کنارے پر مزید اسرائیلی فوجیوں کو تعینات کردیا گیا ہے۔

اسرائیلی فوجی سربراہ اَویف کوخاوی کے مطابق، قیدیوں کی تلاش میں تعینات کیے گئے اِن جنگی فوجی دستوں کو اضافی نگران دستے اور کچھ طیارے مزید مدد فراہم کریں گے۔

اس کے علاوہ اسرائیلی پولیس کی بھاری نفری اور داخلی خفیہ ایجنسی بھی ان قیدیوں کے خلاف سرچ آپریشن میں سرگرم عمل ہے۔ اس طرح فلسطینی علاقوں میں سکیورٹی انتہائی سخت کردی گئی ہے۔

اسرائیلی فوج کے مطابق یہ احکامات جمعہ دس ستمبر کی درمیانی شب تک نافذ رہیں گے۔