اسرائیلی پولیس کی فلسطینی مظاہرین کے خلاف مداخلت
بروز اتوار جبری نقل مکانی کے خلاف جلوس نکالنے والے تین افراد کو اسرائیلی پولیس سے حراست میں لے لیا تھا
اسرائیلی پولیس نے یافا شہر میں یہاں سے جبری نقل مکانی کرانے کی منصوبہ بندی کی مخالفت کرنے والے فلسطینی شہریوں کے احتجاجی جلوس کے خلاف مداخلت کی۔
علاقے کے عینی شاہدین سے حاصل کردہ معلومات کے مطابق القدس سے تقریباً 55 کلو میٹر مغرب میں واقع یافا میں احتجاجی مظاہرے کےد وران اسرائیلی پولیس اور فلسطینی شہریوں کے درمیان کشیدگی پیدا ہوئی۔
بروز اتوار اسی شہر میں جبری نقل مکانی کے خلاف جلوس نکالنے والے تین افراد کو اسرائیلی پولیس سے حراست میں لے لیا تھا۔
اسرائیلی اخبار یدی اوت اخرانوٹ نے ان واقعات کے بارے میں اپنی خبر میں لکھا ہے کہ یہودی پادری کی جانب سے علاقے میں اپنے طلبا کے لیے عمارت خریدنے کے لیے عجمی محلے جانے پر دو عرب نوجوانوں نے اس پر حملہ کیا تھا۔
دوسری جانب عرب 48 ویب سائٹ کی خبر کے مطابق مذکورہ عمارت میں ایک عرب کنبہ رہائش پذیر تھا اور حکومتی فرم آمیدار اس عمارت کو خالی کراتے ہوئے یہودی پادری کو فروخت کرنے کی منصوبہ بندی کر رہی تھی۔