مودی سرکار دوبارہ سے مسلم کش فسادات کی راہ ہموار کر رہی ہے
گزشتہ دنوں ہی دارالحکومت میں مسلمانوں کا قتل عام ہوا تھا اور مودی حکومت ایک بار تاریخ دہرانا چاہتی ہے
بھارتی صحافی ارون دتی رائے کا کہنا ہے کہ ہندوستان میں کورونا وائرس پھیلانے کا ذمہ دار تبلیغی جماعت کو ٹھہرا کر ہندوؤں کے جذبات کو اکسایا جا رہا ہے جس سے مسلم کش فسادات کی راہ ہموار کی جا رہی ہے۔
بھارتی مصنفہ، صحافی اور سماجی کارکن ارون دتی رائے نے انکشاف کیا کہ بھارتی حکومت کورونا وائرس کی وبا کے پھیلاؤ کا ذمہ دار مسلمانوں کو ٹھہرا کر ہندوؤں کے جذبات کو اکسا رہی ہے جس سے حالات ایک بار پھر مسلمانوں کی نسل کشی کی طرف بڑھ رہے ہیں۔
ان کا کہنا تھا کہ مودی سرکار ہندوؤں اور مسلمانوں کے درمیان کشیدگی کو شہہ دے رہی ہے جس سے مسلم کش فسادات کے خدشات میں اضافہ ہوا ہے جس پر دنیا کو نظر رکھنے کی ضرورت ہے اور اس حوالے سے عالمی قوتوں کو بھی اپنا کردار ادا کرنا ہو گا۔
ارون دتی رائے نے متنازع شہریت بل اور اس کی مخالفت کرنے والے مسلمان شہریوں اور مساجد کو انتہا پسند ہندوؤں کی جاب سے شہید کیے جانے کا حوالہ دیتے ہوئے کہا کہ گزشتہ دنوں ہی دارالحکومت میں مسلمانوں کا قتل عام ہوا تھا اور مودی حکومت ایک بار تاریخ دہرانا چاہتی ہے۔
واضح رہے کہ بھارت میں کورونا وائرس کے پھیلاؤ الزام تبلیغی جماعت پر عائد کرتے ہوئے نظام الدین مرکز کے امیر محمد سعد کاندھالوی کے خلاف مجرمانہ غفلت برتنے اور قتل خطا کی دفعات کے تحت مقدمہ درج کرلیا گیا ہے
متعللقہ خبریں
اسرائیلی فوج، مزاحمتی گروہوں کو ختم کرنے میں ناکام رہی ہے، اسرائیلی رکن پارلیمنٹ کا اعتراف
القسام بریگیڈ مکمل طور پر فعال ہے اور ہم ان میں سے کسی کو بھی ختم نہیں کر سکے