اٹلی کی جیت پر ہنگامہ آرائی،متعدد مداح گرفتار

گزشتہ شب ایک سنسنی خیز مقابلے میں اٹلی نے انگلستان کو پینلٹی شوٹ آؤٹ پر دو کے مقابلے میں تین گول سے شکست دے کر  یورو کپ 2020 کا ٹائٹل اپنے نام کر لیا۔

میچ کے بعد دونوں ٹیموں کے مداحوں کے مابین تشدد کے واقعات کے تناظر میں درجنوں افراد کو حراست میں لیا گیا ہے۔

یوروپین چیمپیئن شپ کے فائنل سے پہلے ، بے شمار فٹ بال شائقین نے بغیر ٹکٹ کے ویمبلی اسٹیڈیم میں گھسنے کی کوشش کی اور چند ایسا کرنے میں کامیاب بھی ہو گئے۔

ویڈیوز میں اسٹیڈیم کے داخلی راستوں پر جھگڑوں کے مناظر دکھائے گئے۔ اٹلی اور انگلستان کے مابین میچ سے قبل وسطی لندن میں ہنگامی صورتحال تھی۔ کھیل کے بعد حکام نے بتایا کہ 19 پولیس اہلکار زخمی ہوئے جبکہ ہنگامہ آرائی کے الزام میں 49 افراد کو گرفتار کیا گیا ہے۔