انڈونیشیا: تفریحی مقام میں آگ، 19 افراد ہلاک
صوبہ مغربی پاپوآ میں جتھوں کے درمیان جھڑپ، تفریحی مقام کو نذرِ آتش کر دیا گیا۔ واقعے میں 19 افراد ہلاک
1768112
انڈونیشیا کے صوبے مغربی پاپوآ میں جتھوں کے درمیان جھڑپ میں تفریحی مقام کو نذرِ آتش کر دیا گیا۔ واقعے میں 19 افراد ہلاک ہو گئے ہیں۔
صوبائی پولیس ترجمان انسپکٹر آدم ارونڈی نے کہا ہے کہ واقعے کے دوران تفریحی مقام کے سامنے پارک کی ہوئی گاڑیوں میں بھی لوٹ مار کی گئی ہے۔
پولیس نے واقعے کی تحقیقات شروع کروا دی ہیں اور ہلاکتوں میں اضافے کا خدشہ ظاہر کیا جا رہا ہے۔