ہندوستان میں سیلاب کی زد میں آنے سے کم ازکم 17 افراد ہلاک

بھارت کے جنوبی صوبے آندھرا پردیش میں شدید بارشوں کے باعث آنے والے سیلاب سے ایک عمارت گرنے سے کم از کم 17 افراد ہلاک ہو گئے۔

صوبے میں 18 نومبر سے جاری بارشیں کم از کم 5 اضلاع میں سیلاب کا باعث بنیں۔

پولیس حکام کی جانب سے جاری کردہ ایک بیان میں کہا گیا ہے کہ عمارت گرنے کے نتیجے میں کم از کم 17 افراد ہلاک ہوئے ہیں جبکہ 2 افراد تاحال لاپتہ ہیں۔

بتایا گیا ہے کہ ملبے تلے دبے 10 افراد کو بھی بچا لیا گیا ہے۔

کل صبح کے وقت سیلاب کی زد میں آنے والی بس کے درجنوں مسافر ہلاک ہوگئے، اور امدادی ٹیموں کی تلاش اور بچاؤ کی کوششیں جاری ہیں۔

حکام نے بتایا کہ کڑپہ شہر میں، جو شدید بارش سے سب سے زیادہ متاثر ہوا، مقامی ہوائی اڈہ 25 نومبر تک بند رہے گا۔

واضح رہے کہ سیلاب سے سینکڑوں دیہات متاثر ہوئے ہیں اور بہت سے رہائشی اپنے گھروں میں پھنس کر رہ گئے ہیں۔