افغانستان میں دہشت گردی کے حملے پر ترکی کی شدید مذمت

ترکی نے افغانستان کے صوبہ قندھار کی ایک مسجد میں نماز جمعہ کے دوران کیے گئے دہشت گردانہ حملے کی مذمت کی ہے۔

وزارت خارجہ کی جانب سے جاری کردہ اعلامیے  میں آج    افغانستان کے صوبہ قندھار کی ایک مسجد میں نماز جمعہ کے دوران کیے گئے دہشت گردانہ حملے میں لوگوں کی ایک بڑی تعداد کے ہلاک ہونے پر گہرے دکھ کا اظہار کیا گیا ہے۔

اعلامیے میں کہا گیا ہےافغانستان  میں مساجد کو نشانہ  بنانے اور غیر انسانی دہشت گردانہ حملوں کی  ہم  شدید مذمت کرتے ہیں ۔۔ اعلامیے  میں  دوست اور برادر افغان عوام کے لیے ہماری مخلصانہ تعزیت کا اظہار کیا گیا ہے۔

ابتدائی اطلاعات کے  مطابق ،  افغانستان میں طالبان  کے  گڑھ جنوبی قندھار صوبے میں شیعہ برادری سے تعلق رکھنے والی فاطمیہ مسجد پر دو خودکش حملہ آوروں کے حملے میں 30 افراد ہلاک اور 200 سے زائد افراد زخمی ہوئے ہیں۔