کشمیری آج بھارت کایوم جمہوریہ یوم سیاہ کے طورپرمنارہے ہیں
یہ دن منانے کامقصد مقبوضہ جموں وکشمیر میں قابض بھارتی افواج کی طرف سے وسیع پیمانے پر انسانی حقوق کی خلاف ورزیوں بے گناہ کشمیریوں کی زیرحراست ہلاکتوں اورمسلسل مظالم کی طرف دنیا کی توجہ دلانا بھی ہے
کنٹرول لائن کے دونوں جانب اوردنیا بھرمیں مقیم کشمیری آج بھارت کا یوم جمہوریہ یوم سیاہ کے طورپر منارہے ہیں جس کامقصد عالمی برادری کی توجہ جموں وکشمیر پربھارت کے غیرقانونی اور غاصبانہ قبضے کی طرف دلانا ہے۔
یہ دن منانے کامقصد مقبوضہ جموں وکشمیر میں قابض بھارتی افواج کی طرف سے وسیع پیمانے پر انسانی حقوق کی خلاف ورزیوں بے گناہ کشمیریوں کی زیرحراست ہلاکتوں اورمسلسل مظالم کی طرف دنیا کی توجہ دلانا بھی ہے۔
بھارت کے غیرقانونی زیرقبضہ جموں وکشمیر میں کل جماعتی حریت کانفرنس نے عوام پرزوردیا ہے کہ وہ بھارت کے غیر قانونی تسلط اورریاستی دہشت گردی کے خلاف آج احتجاجاً مکمل ہڑتال کریں۔
آزاد جموں وکشمیر کے تمام دس اضلاع میں بھارتی یوم جمہوریہ کو یوم سیاہ کے طورپر منانے کے لئے آج احتجاجی ریلیاں نکالی جائیں گی اورمظاہرے کئے جائیں گے۔
حریت رہنما یاسین ملک کی اہلیہ مشعال ملک نے کہا ہے کہ ہندوستان کا یوم جمہوریہ کشمیری یوم سیاہ کے طور پر منارہے ہیں،ہندوستان نے کشمیریوں سے ہر حق چھین رکھا ہے۔منگل کو اپنے بیان میں مشعال ملک نے کہا کہ ہندوستان نے کشمیریوں سے آزادی،جینے حتی کہ سانس لینے کا حق بھی چھین رکھا ہے،ہندوستان نے حریت قیادت کو جیل میں بند رکھا ہے۔مشعال ملک نے کہا کہ یاسین ملک تہاڑ جیل میں قید ہیں،یاسین ملک کی جان کو خطرہ ہے،ہمارے ہزاروں نوجوان جیلوں میں قید ہیں۔مشعال ملک نے کہا کہ شہیدوں کی لاشیں نہیں دی جاتی کہ ہم دفنا سکیں ۔ انہوں نے سوال کیا کہ ہندوستانیو کیا کشمیری انسان نہیں ہیں۔
متعللقہ خبریں
صوبہ قندھار میں خود کش حملہ ،3 افراد ہلاک
افغانستان کے صوبہ قندھار میں ہوئے خود کش حملے میں تین افراد ہلاک اور بارہ زخمی ہو گئے ہیں