عالمی ادارہ صحت کی ٹیم چین پہنچ گئی،کورونا کا سبب تلاش کرے گی
چینی ادارہ برائے قومی صحت کی جانب سے جاری بیان میں کہا گیاہے کہ عالمی ادارے کی 10 ماہرین پر مشتمل ٹیم چینی سائنسدانوں کیساتھ مل کر کورونا وائرس کی ابتداء سےمتعلق تحقیق کرے گی
1563561
کورونا وائرس کی تحقیقات کے لیے عالمی ادارہ صحت کے ماہرین کی ٹیم ووہان پہنچ گئی۔
چینی میڈیا کی جانب سے ماہرین کی ٹیم کے ووہان کے ووہان پہنچنے کی تصدیق کی گئی ہے۔
چند روز قبل چینی ادارہ برائے قومی صحت کی جانب سے جاری بیان میں کہا گیاہے کہ عالمی ادارے کی 10 ماہرین پر مشتمل ٹیم چینی سائنسدانوں کیساتھ مل کر کورونا وائرس کی ابتداء سےمتعلق تحقیق کرے گی۔
چینی کمیشن نے مزید تفصیلات سے آگاہ نہیں کیا، تاہم بتایا گیا ہے کہ عالمی ادارہ صحت کی ٹیم کو چین پہنچنے پر ممکنہ طور پر دو ہفتے کیلئے قرنطینہ کیا جائے گا۔