بھارت:مٹی کا تودہ گرنے سے سترہ افراد ہلاک

بھارتی ریاست مہاراشٹرکے ایک دیہات میں مٹی کا تودہ گرنے سے 17 افراد ہلاک جبکہ 155 سے زائد ملبے تلے دب گئے۔
اطلاع کے مطابق ریاست مہاراشٹرا کے شہر پوُنے کے ایک دیہات میں موسلا دھار بارش کے باعث مٹی کا تودہ گر گیا جس کے نتیجے میں 40 سے زائد مکانات ملبے تلے دب گئے جس کے باعث 17افراد ہلاک ہوگئے۔
مقامی حکام کے مطابق مٹی کے تودے تلے 155 سے زائد افراد پھنسے ہوئے ہیں جن میں 61 خواتین اور60 بچے بھی شامل ہیں جس کے باعث ہلاکتوں میں اضافے کا خدشہ ہے،
امدادی ٹیموں نے علاقے میں امدادی کارروائیاں شروع کردی ہیں۔