پسندیدہ یورپی سربراہی شخصیت "مرکل یا ماکروں"

یورپ میں ممکنہ "یورپی سربراہی انتخابات" میں ترجیحی شخصیت جرمن چانسلر اینگیلا مرکل ہیں۔

اطلاع کے مطابق اگر یورپ میں "یورپی سربراہی انتخابات"  کروائے جائیں تو  چانسلر اینگیلا مرکل فرانس کے صدر امانوئیل ماکرون کو شکست دے سکتی ہیں۔

تھنک ٹینک 'یورپی خارجہ تعلقات کونسل' کی طرف سے 12 یورپی یونین ممالک سے   16 ہزار افراد کی شمولیت سے کئے گئے سروے میں شہریوں سے سوال پوچھا گیا کہ "اگر یورپی سربراہی انتخابات ہوں اور انتخابات کے صرف دو امیدوار فرانس کے صدر امانوئیل ماکرون اور جرمن چانسلر اینگیلا مرکل ہوں تو آپ کسے ووٹ دیں گے؟"

فرانس سمیت 12 ممالک میں سے 11 میں سروے میں شرکت کرنے والے افراد کی اکثریت نے اینگیلا مرکل کے حق میں جواب دیا۔

صرف بلغاریہ میں "مرکل" اور ماکرون " 31 فیصد کے ساتھ برابر رہے۔

مرکل کو ترجیح دینے والے ممالک میں 58 فیصد کے ساتھ ہالینڈ پہلے، 57 فیصد کے ساتھ اسپین دوسرے، 52 فیصد کے ساتھ پرتگال تیسرے، 46 فیصد کے ساتھ ڈنمارک چوتھے، 44 فیصد کے ساتھ ہنگری پانچویں نمبر پر رہا۔

مذکورہ بالا ممالک میں ماکرون کو ترجیح دینے والوں کی تعداد 20 فیصد کے لگ بھگ رہی۔

جرمنی میں 42 فیصد نے مرکل اور 27 فیصد نے ماکرون کو ترجیح دی۔

 فرانس میں مرکل کے پرستاروں کی تعداد نے ماکرون کو پیچھے چھوڑ دیا۔ ملک میں مرکل کے حامیوں کی تعداد 32 فیصد اور ماکرون کے حامیوں کی تعداد 26 فیصد رہی۔