ترکی سے ارجنٹائنی مسلمانوں کو قرآن کریم اور اسلامی کتب کا تحفہ

محکمہ مذہبی امور  نے ارجنٹائن میں ہسپانوی زبان بولنے والے مسلمانوں کو اسلامی تعلیمات سے روشناس کرانے کے  لیے ہسپانوی زبان میں تفسیر کے ساتھ قرآنِ کریم اور ترکی زبان سے اس زبان میں ترجمہ کردہ اسلامی مواد  پر مبنی کتب  فراہم کی ہیں۔

دارالحکومت بیونس ایریس کی الا احمد جامع مسجد میں بعد از نمازِ جمعہ منعقدہ تقریب میں ارجنٹینا  اسلامک سنٹر  کے تعاون سے  ترک محکمہ مذہبی امور  کی جانب  سے روانہ کردہ قرآن کریمِ کے ہسپانوی تفیسر پر مبنی  نسخہ جات اور اسلامی کتب پر   مشتمل 7 ہزار  کتب کی تقسیم  کاآغاز کیا گیا۔

تقریب میں شریک ترکی کے اس ملک میں سفیر شفیق وورال نے دین اسلام کو سمجھنے اور  معلومات کی قدر و قیمت پر توجہ مبذول کراتے ہوئے کہا کہ  تہذیب و تمدن کا فروغ  کتب اور ذہنوں کے یکسانیت قائم کرنے کے ساتھ ہی ممکن بن سکتا ہے۔

محکمہ مذہبی امور خارجہ تعلقات امور کے جنرل منیجر ایردال اطالائے نے اس تقریب میں آن لائن شرکت کرتے ہوئے  کہا کہ ہم دنیا کے چاروں گوشوں میں مقیم مسلمان باشندوں کے ساتھ رابطے میں  رہنے کی کوشش میں رہتے ہیں۔

ان کا کہنا تھا کہ ہمارے ملک میں ایک سو سے زائد جامعات میں شعبہ اسلامیات  فعال ہیں۔ خاصکر   ارجنٹائن میں مقیم مسلمان بھائی اگر اپنے بچوں کو ترکی میں اسلامیات کی تعلیم دلانے کے متمنی ہیں تو ہم اس سلسلے میں ہر طرح کا تعاون فراہم کرنے کے لیے تیا ر ہیں۔