پرنس ہیری اور شہزادی میگھان نے سوشل میڈیا کا استعمال ترک کر دیا

برطانیہ کی ملکہ الزبتھ دوئم کے پوتے ڈیوک پرنس ہیری اور ان کی اہلیہ ڈچز مگھان مارکل نفرت آمیز  بیانات اور الفاظکا حامل ہونے کی وجہ سے  سوشل میڈیا کا استعمال ترک کر دیا ہے۔

روزنامہ ٹائمز کے مطابق پرنس اور ان کی اہلیہ نے ایک طویل عرصے سے سوشل میڈیا سے کوئی چیز شئیر نہیں کی اور ان کے واپس سوشل میڈیا پر آنے  کا احتمال نہایت ضعیف ہے۔

علاوہ ازیں شاہی جوڑا آرچویل وقف کے لئے بھی سوشل میڈیا کے استعمال کا ارادہ نہیں رکھتا۔

خبر کے مطابق ٹویٹر اور فیس بُک پر دکھائی جانے والی نفرت نے پرنس ہیری اور میگھان کو دل برداشتہ کیا ہے۔

سال 2019 میں صحت کے عالمی دن کے موقع پر میگھان نے اپنے انٹرویو میں کہا تھا کہ وہ سوشل میڈیا پر  دنیا میں سب سے زیادہ  چیخ و پکار کا سامنا کرنے والی شخصیت ہیں اور یہ چیز ناقابل برداشت ہے۔

اس سے قبل پرنس ہیری نے بھی جاریکردہ بیان میں کہا تھا کہ سوشل میڈیا  "نفرت کے بحران، صحت کے بحران اور حقیقت کے بحران " کی تخلیق میں مدد کرتا ہے۔

واضح رہے کہ سیاہ فام ماں اور سفید فام باپ کی بیٹی میگھان کو سوشل میڈیا پر سب سے زیادہ  نسلیت پرستانہ حملوں کا سامنا کرنا پڑتا تھا۔