فیس بک نے صدر ٹرمپ کی انتخابی مہم پر مبنی متنازعہ اشتہار ہٹا دیا

سماجی رابطے کی ویب سائٹ فیس بک نے امریکی صدر ڈونلڈ ٹرمپ کی انتخابی مہم کے لیے پوسٹ کیے گئے ایک ایسے اشتہار کو ہٹا دیا ہے جس میں نازی جرمنی میں استعمال ہونے والا نشان موجود تھا۔
 خبرکے مطابق، فیس بک نے کہا ہے امریکی صدر ڈونلڈ ٹرمپ کے اس اشتہار میں ایک الٹی سرخ تکون موجود تھی اور اس سے مماثلت رکھنے والا نشان نازی دور میں مخالفوں خاص کر قدامت پسند نظریات رکھنے والوں کے لیے استعمال کیا جاتا تھا۔ 
فیس بک کا کہنا ہے کہ  ان اشتہارات نے اس کی  نجی پالیسی کی خلاف ورزی کی ہے۔
 واضح رہے کہ یہ اشتہارات صدر ڈونلڈ ٹرمپ اور نائب صدر مائیک پنس کے پیجز پر لگائے گئے تھے اور یہ تقریبا 24 گھنٹوں تک ان پیجز پر رہے اور انھیں ہزاروں افراد نے دیکھا تھا۔