صدر بائیڈن نے بھی اسرائیل،یوکرین اور تائیوان کےلیے امداد کی منظوری دے دی
وائٹ ہاوس میں پریس کانفرنس کے دوران بائیڈن نے بتایا کہ کانگریس کے دونوں ایوانوں سے منظوری کے بعد میں نے بھی اس پیکیج پر دستخط کر دیئے ہیں
2131757
امریکی صدر جو بائیڈن نے یوکرین اور اسرائیل کے لیے 95 ارب ڈالرز کی بیرونی امداد کو منظوری دے دی ۔
وائٹ ہاوس میں پریس کانفرنس کے دوران بائیڈن نے بتایا کہ کانگریس کے دونوں ایوانوں سے منظوری کے بعد میں نے بھی اس پیکیج پر دستخط کر دیئے ہیں۔
امریکی صدر نے کہا کہ ہماری ترجیح یوکرین کو فوری امداد فراہم کرنا ہے، امریکہ ایک مضبوط ملک ہے جو کہ یوکرین ،اسرائیل اور تائیوان کو امداد فراہم کر رہا ہے۔
واضح رہے کہ غزہ میں ہزاروں فلسطینیوں کی اموات کے باوجود امریکہ اسرائیل کو 26 ارب ڈالرز کی فوجی امداد دے رہا ہے ۔
امریکی انتظامیہ کا کہنا ہے کہ ہم یہ امداد تل ابیب کو تہران سے مجفوظ رکھنے کےلیے دے رہے ہیں۔