نائجیریا میں غلہ بانوں اور کسانوں کے تصادم میں 21 افراد لقمہ اجل

نائجیریا میں چرواہوں اور کسانوں کے درمیان  جھڑپیں ہونے والے صوبہ  پلاٹو میں تازہ  حملوں میں 21 افراد ہلاک ہو گئے۔

موغاول یوتھ موومنٹ کے قومی چیئرمین سنڈے دنکاکا نے نامہ نگاروں کو بتایا کہ ریاست کے منگو اور کورو علاقوں میں چرواہوں نے مسلح حملے کیے۔

دانکاکا نے بتایا کہ حملوں میں 21 افراد اپنی جانوں سے ہاتھ دھو بیٹھے اور متعدد زخمی  ہوئے۔

حملوں میں بہت سے مکانات جل کر  راکھ  بن گئے  اور  درجنوں لوگوں کو اپنا گھر بار  چھوڑنا پڑا۔

واضح  رہے کہ پلاٹو صوبے کے منگو علاقے میں چرواہوں اور کسانوں کے درمیان وقتاً فوقتاً جھڑپیں ہوتی رہتی ہیں۔

حال ہی  میں  منگو کے علاقے میں  تصادم  میں بچوں اور خواتین سمیت کم از کم 90 افراد اپنی جان سے ہاتھ دھو بیٹھے تھے۔