جنوبی کوریا نے کیوبا کے ساتھ سفارتی تعلقات قائم کرنے کا اعلان کر دیا

جنوبی کوریا نے اعلان کیا کہ اس نے کیوبا کے ساتھ سفارتی تعلقات قائم کر لیے ہیں۔

یون ہاپ کے مطابق، اقوام متحدہ میں جنوبی کوریا کے مستقل  نمائندےکی طرف سے جاری کردہ بیان میں کہا گیا ہے کہ اقوام متحدہ میں دونوں ممالک کے مستقل نمائندوں نے 14 فروری کو امریکہ   میں ملاقات کی۔

بتایا گیا کہ نیویارک میں     اتفاق کرتے ہوئے جنوبی کوریا اور کیوبا کے درمیان سفارتی تعلقات قائم ہوئے۔

بیان میں کہا گیا ہے کہ دونوں ممالک کے درمیان باضابطہ تعلقات قائم کرنے کا فیصلہ اقوام متحدہ کے چارٹر اور بین الاقوامی قانون کے مقاصد اور اصولوں اور 18 اپریل 1961 کو سفارتی تعلقات سے متعلق ویانا کنونشن کی روح اور قواعد کے مطابق کیا گیا تھا۔

اس طرح کیوبا 193 واں ملک بن گیا جس کے ساتھ جنوبی کوریا نے سفارتی تعلقات قائم کر لیے۔

جنوبی کوریا  ئی امور خارجہ  کا کہنا ہے  کہ کیوبا کے ساتھ باضابطہ تعلقات کا قیام  وسطی اور جنوبی امریکہ کے ساتھ سفارت کاری کو مضبوط بنانے کی کوششوں میں ایک اہم موڑ ہونے کی توقع ہے اور یہ ہمارے  ملک کے سفارتی افق کو مزید   توسیع دے گا۔

بیان میں کہا گیا ہے کہ ہماری حکومت کیوبا کی حکومت کے ساتھ باہمی سفارتی مشن کے قیام سمیت درجِ ذیل اقدامات میں فعال تعاون کرے گی۔

اگرچہ کیوبا نے 1949 میں جنوبی کوریا کو تسلیم کیا تھا لیکن 1959 کے کیوبا کے انقلاب کے بعد دو طرفہ تعلقات کشیدہ ہو گئے۔

بتایا گیا ہے کہ ہر سال اوسطاً 14 ہزار جنوبی کوریائی باشندے کیوبا جاتے ہیں جہاں تقریباً 1100 جنوبی کوریائی نژاد لوگ رہتے ہیں۔