فلسطینی ریاست کے قیام کے لیے مذاکراتی عمل کو بلا تاخیر شروع کرنے کی ضرورت ہے: سرگئی لاوروف

روس کے وزیر خارجہ سرگئی لاوروف نے فلسطینی ریاست کے قیام کے لیے مذاکراتی عمل کو بلا تاخیر دوبارہ شروع کرنے پر زور دیا ہے ۔

لاوروف نے یہ بات ماسکو میں اسلامی تعاون تنظیم (او آئی سی) اور عرب لیگ کے وزرائے خارجہ کی سطح پر منعقدہ اجلاس میں کہی۔

انہوں نے کہا کہ میں ایک بار پھر اس بات کی نشاندہی کرنا چاہوں گا کہ اسٹریٹجک مسائل کو نظر انداز کرنا ناممکن ہے اور ان کے حل کے لیے جلد از جلد حالات پیدا کیے جانے چاہییں۔ سب سے پہلے، میرا مطلب یہ ہے کہ اقوام متحدہ کے  دائرہ کار میں  قبول بین الاقوامی بنیادوں پر امن عمل کی بحالی کے لیے ضروری تیاریاں کی جائیں۔

لاوروف نے کہا کہ  مشرقی ی القدس کے ساتھ 1967 کی سرحدوں کے اندر ایک آزاد، علاقائی طور پر مربوط اور خودمختار ریاست فلسطین کے قیام کو OIC اور عرب لیگ کے تمام اراکین کی حمایت حاصل ہے۔

لاوروف نے اس بات کی بھی نشاندہی کی کہ خطے میں تباہ کن انسانی بحران کے حل کے لیے ایک مشترکہ سفارتی طریقہ کار وضع کیا جانا چاہیے اور اس میں خطے کی عرب ریاستوں کا اہم کردار ادا کرنا چاہیے۔  لاوروف نے اس بات پر زور دیا کہ خطے میں بھیجی جانے والی انسانی امداد کافی نہیں ہے۔

21 نومبر کو سعودی عرب، اردن، مصر، انڈونیشیا اور فلسطین کے وزرائے خارجہ کے ساتھ ساتھ او آئی سی کے سیکرٹری جنرل حسین ابراہیم طحہ نے غزہ کے مسئلے پر بات چیت کے لیے ماسکو میں روسی فریق سے ملاقات کی ہے ۔