سوڈان میں ایک بازار پر فضائی حملے میں 43 افراد ہلاک
سوڈانی ڈاکٹرز یونین کی جانب سے جاری بیان میں کہا گیا ہے کہ آج صبح خرطوم کے جنوب میں میو پڑوس میں پرتشدد اور خونریز جھڑپیں ہوئیں، جس میں درجنوں افراد ہلاک اور زخمی ہوئے ہیں
سوڈان میں ایک بازار پر فضائی حملے میں 43 افراد مارے گئے ہیں ۔
سوڈان ڈاکٹرز یونین نے اعلان کیا کہ فوج اور ریپڈ سپورٹ فورسز (HDK) کے درمیان جاری جھڑپوں میں دارالحکومت خرطوم کے جنوب میں ایک بازار کو نشانہ بنانے والے فضائی حملے میں 43 افراد اپنی جانیں گنوا بیٹھے ہیں۔
سوڈانی ڈاکٹرز یونین کی جانب سے جاری بیان میں کہا گیا ہے کہ آج صبح خرطوم کے جنوب میں میو پڑوس میں پرتشدد اور خونریز جھڑپیں ہوئیں، جس میں درجنوں افراد ہلاک اور زخمی ہوئے ہیں۔
بیان میں کہا گیا ہے کہ پڑوس میں واقع گورو بازار پر فضائی حملے کے نتیجے میں 43 افراد اپنی جانوں سے ہاتھ دھو بیٹھے اور کم از کم 55 افراد زخمی ہوئے ہیں۔
سوڈانی فوج کے مطابق آج (HDK کا حوالہ دیتے ہوئے) باغی ملیشیا میڈیا نے، ہمیشہ کی طرح، گمراہ کن اور بے بنیاد الزامات لگائے کہ مسلح افواج نے میو کے پڑوس میں شہریوں کو نشانہ بناتے ہوئے ایک حملہ کیا ہے۔
بیان میں کہا گیا ہے کہ HDK نے بیرون ملک سے لائے گئے کرائے کے فوجیوں کا استعمال کرتے ہوئے جنگ جاری رکھی ہوئی ہے۔
بیان میں کہا گیا ہے کہ مسلح افواج، ایک پیشہ ور فوج کے طور پر، بین الاقوامی انسانی قانون کی مکمل پاسداری کرتے ہوئے، باغیوں کے ٹھکانوں اور اڈوں پر اپنے حملوں کو جائزقرار دیا ہے۔
جبکہ HDK نے اپنے بیان میں کہا ہے کہ فوج نے اتوار کی صبح خرطوم کے جنوب میں میو کوارٹر کے رہائشیوں پر فضائی حملہ کیا ہے۔
