امریکہ میں یخ بستہ سردی نے پرانے ریکارڈ توڑ ڈالے

متحدہ امریکہ کو اس وقت اپنی تاریخ کے بدترین برفانی طوفان کا سامنا ہے، اب تک مختلف حادثات میں  12 افراد کی ہلاکت کی اطلاعات ہیں۔

امریکی ریاستوں اوہائیو، کینٹکی، میزوری اور کنساس میں برفانی طوفان نے تباہی مچادی۔ ان ریاستوں میں درجہ حرارت منفی 45   سینٹی گریڈ  تک  گر گیا ہے۔

مسلسل ہونے والی برفباری  سے 12 افراد ہلاک ہوگئے  ہیں، 5 ہزار پروازیں منسوخ اور 22 ہزار تاخیری کی  شکار ہیں۔ 13 لاکھ افراد بجلی کی سہولت  سے محروم ہوگئے۔ جارجیا، نارتھ کیرولائنا اور نیویارک  میں ایمرجنسی کا نفاذ کر دیا گیا  ہے۔

برفباری کے باعث ٹریفک حادثات میں 50 سے زائد کاریں تباہ ہوگئیں اور دو موٹر سائیکلسٹ ہلاک ہوگئے۔ اسی طرح فارم ہاؤسز میں 25 کے قریب مویشیوں کی ہلاکت کی بھی اطلاعات ہیں۔

برفانی طوفان سے 20 کروڑ سے زائد افراد متاثر ہوئے دوسری جانب واشنگٹن ڈی سی میں 1989ء کے بعد اور نیویارک میں 1906ء کے بعد اس کا سال کا کرسمس سرد ترین ہونے کی پیش گوئی کی گئی ہے۔

امریکہ میں 21 دسمبر کو، قومی اور مقامی  محکمہ موسمیات  نے  یخ  بستہ  سردی اور برف باری  کے حوالے سے عوام کو  خبردار کیا تھا۔