نائیجیریا کی ریاست کوگی میں مسلح حملے میں چھ افراد ہلاک

نائیجیریا کی ریاست کوگی میں مسلح حملے میں چھ افراد ہلاک ہو گئے ہیں ۔

نیشنل پریس کی خبر کے مطابق موٹر سائیکلوں پر سوار مسلح افراد نے صوبہ کوگی کے علاقے اکپانیا میں فائرنگ کی۔

حملے میں 6 افراد اپنی جانوں سے ہاتھ دھو بیٹھے اور متعدد زخمی  ہوگئے ہیں۔

کوگی ریاستی سلامتی کے مشیر اور بحریہ کے کمانڈر جیری اومودرا نے بتایا کہ سیکورٹی فورسز کو علاقے میں بھیج دیا گیا ہے۔

ملک میں موٹر سائیکلوں پر مسلح افراد کے حالیہ حملوں کی وجہ سے کچھ ریاستوں میں  موٹر سائیکلوں   کے استعمال پر پابندی لگا دی گئی  ہے۔