جزیرہ قبرص میں امن فورس کی مدت فرائض میں مزید 6 ماہ کی توسیع کی سفارش

اقوام متحدہ  کے سیکرٹری جنرل  انتونیو گوٹریس نے سلامتی کونسل کو قبرص امن فوج  مشن  کی مدت ِ فرائض میں مزید 6 ماہ کی توسیع کا مشورہ دیا ہے۔

نیویارک میں اقوام متحدہ کے ہیڈکوارٹر میں جاری سلامتی کونسل کے اجلاس میں کونسل کے ارکان کے ساتھ شیئر کی گئی رپورٹ میں گوٹیرس نے کہا کہ اقوام متحدہ نے قبرص میں امن فوج کے قیام کی مدت کو  جنوری 2023 کے آخر تک بڑھانے کو فائدہ مند پایا ہے۔

قبرص کی صورت حال کے بارے میں سیکرٹری جنرل نے اپنی رپورٹ میں کہا، "مذاکرات کی مکمل بحالی کی طرف پیش رفت کا فقدان زمین پر نئی حقیقتوں کے لیے جگہ پیدا کرتا ہے اور یکطرفہ اشتعال انگیزی کا باعث بنتا ہے۔ پیچیدہ علاقائی ماحول اور قبرص پر اس کے اثرات کو مدنظر رکھتے ہوئے" یہ ضروری ہے کہ متعلقہ اداکاروں کو تحمل سے کام لینے کی ترغیب دی جائے اور تنازعات کے حل کے لیے تعمیری انداز اپنایا جائے۔"

انہوں نے توجہ مبذول کراتے ہوئے کہا کہ  تمام تر طرفین کو نیک نیتی کا مظاہرہ کرنےا ور سیاسی حل کے لیے  ذی فہم شرائط اور ماحول قائم کیا جانا چاہیے۔ان عوامل کو مد نظر رکھتے ہوئے   میں سلامتی کونسل  کو مشن کی مدت فرائض میں 3 جنوری 2023 تک توسیع کر نے کی سفارش کرتا ہوں۔