یوگنڈا میں 46 افراد فاقہ کشی سے موت کے منہ میں چلے گئے

مشرقی افریقی ملک یوگنڈا میں کئی ماہ سے جاری  خشک سالی کی بنا پر  فاقہ کشی سے 46 افراد ہلاک ہو گئے۔

کراموجا کےرکن اسمبلی فاتح  نکوت نے پریس کو ایک بیان میں کہا کہ علاقے میں مہینوں تک جاری رہنے والی خشک سالی کی وجہ سے لوگوں نے زندہ رہنے کے لیے جڑی بوٹیوں پر اکتفا  کیا۔

انہوں نے  بتایا  کہ علاقے کے لوگ بھوک سے اپنی جانیں گنوا بیٹھے کیونکہ ان کے پاس کھانا نہیں تھا،

"قحط کی وجہ سے کراموجا  کاذیلی علاقہ بری طرح متاثر ہے یہاں پر  8 جولائی تک 46 افراد بھوک سے مر گئے جبکہ 2,181 گھرانے  موت کے  منہ میں جا رہے ہیں۔

نکوت نے کہا کہ حکام نے حکومت کے  منصوبے کا انتظار کرتے وقت سب سے زیادہ متاثرہ گھرانوں کے لیے کھانا خریدنے کے لیے اپنی تنخواہیں بھی استعمال کیں۔

فاتح نکوت نے ہلاکتوں میں اضافے سے قبل دنیا سے مدد کی اپیل کی ۔