صدر پوتن جنگی مجرم ہیں:بائیڈن

امریکی صدر  جوبائیڈن نے روسی صدر  ولادیمیرپوتن کو جنگی مجرم قرار دے دیا۔

یوکرین  میں  روس نے کیف کے ایک تھیٹر اور کھانا لینے کے لیے قطار میں کھڑے عام شہریوں کو نشانہ بنایا ہے۔

امریکی صدر نے تھیٹر میں  پناہ گزینوں کو نشانہ بنانے پر روسی صدر پر سخت تنقید کی ہے۔

انہوں نے کہا ہے کہ روسی صدر جنگی مجرم ہیں۔

امریکی صدر جو بائیڈن نے  کہا یہ ناقابل معافی ہے کہ کریملن امن مذاکرات کے دوران جنگ جاری رکھے ہوئے ہے۔

یوکرین کی وزارت خارجہ نے کہا ہے کہ روسی افواج نے ماریوپول کے تھیٹر پر ایک بڑا بم گرایاجس سے متعدد افراد ہلاک ہو گئے جبکہ کئی زخمی بھی ہوئے ہیں۔

ہیومن رائٹس واچ کے مطابق تھیٹر میں کم از کم 500 افراد موجود تھے۔

دوسری جا نب کیف میں امریکہ کے سفارت خانے کی جانب  سے کہا گیا ہے کہ روسی فوجیوں نے کیف کے علاقے چرنیف میں کھانا حاصل کرنے کے لیے قطار میں کھڑے 10 افراد کو نشانہ بنایا۔

تاہم روس کی جانب سے عام شہریوں کو نشانہ بنانے کی تردید کی  گئی ہے۔

دوسری جانب ،روس کی وزارت دفاع کا کہنا ہے کہ افواج نے عمارت پر حملہ نہیں کیا۔

کریملن ترجمان دیمیتری پیسکوف نے امریکی صدر کے بیان کے جواب میں کہا ہے کہ صدر بائیڈن کے اس قسم کے بیانات  ناقابل قبول ہیں۔