ایرانی شہر تبریز میں گیس دھماکہ،5 افراد ہلاک

 شمال مغربی  ایران کے شہر تبریز میں قدرتی گیس کے دھماکے کے نتیجے میں ایک عمارت گر گئی جس میں 5 افراد ہلاک  اور 15 زخمی ہو گئے۔

 ایرانی سرکاری میڈیا کے مطابق،تبریزمیں گزشتہ شب ایک 5 منزلہ عمارت میں قدرتی گیس کا دھماکہ ہوا جس سے عمارت گر گئی۔

بتایا گیا ہے کہ ملبے سے اب تک 5 افراد کی نعشیں بازیاب کرلی گئی ہیں  جبکہ امدادی کام جاری ہے۔

اس  دھماکے میں 15 افراد زخمی بھی ہوئے ہیں۔