افغانستان اور میانمار کو فی الوقت نمائندگی نہیں ملے گی: اقوام متحدہ

اقوام متحدہ  میں طالبان اور میانمار کے امیدوار مندوبین  اپنے ممالک کی نمائندگی نہیں کر سکیں گے۔

جنرل اسمبلی کی انتظامی کمیٹی  کا اجلاس طالبان حکومت کے افغانستان پر قبضے اور میانمار میں فوجی بغاوت کے بعد ان دونوں ملکوں کی نمائندگی کے حوالے سے موجود سوال پر یکجا ہوا ۔

واضح رہے کہ رکن ممالک اقوام متحدہ میں اپنے مندوبین کی تقرری کے لیے نام درج کرواتے ہیں جسکے بعد انہیں منظور کرنے کا اختیار انتظامی کمیٹی  کے پاس ہوتا ہے۔

اس نو رکنی کمیٹی کی صدر اور سویڈش مندوب اینا کارین این سٹروم نے اجلاس کے بعد بتایا کہ اقوام متحدہ نے افغانستان اور میانمار کی نمائندگی کا فیصلہ موخر کر دیا ہے جس کے بعد ان دونوں ملکوں کو نمائندگی کا حق فی الوقت نہیں ملے گا۔

یاد رہے کہ طالبان نے سہیل شاہین کو اقوام متحدہ میں اپنا مندوب نامزد کیا تھا۔