آسٹریلیا: 122 کلو میٹر فی گھنٹہ کی رفتار سے بادی طوفان

آسٹریلیا کے صوبہ وکٹوریا اور صوبائی دارالحکومت ملبورن میں 122 کلو میٹر فی گھنٹہ کی رفتار سے چلنے والے شدید بادی جھکڑوں کی وجہ سے درخت جڑوں سے اکھڑ گئے۔

درختوں کے بجلی کی تاروں پر گرنے کی وجہ سے متاثرہ علاقوں میں ہزاروں گھروں کے لئے بجلی کی ترسیل منقطع ہو گئی۔

وکٹوریا ہنگامی حالات سروس نے جاری کردہ بیان میں کہا ہے کہ صوبے کے متعدد مقامات سے، نصف شب کے بعد شروع ہونے والے بادی جھکڑوں کی وجہ سے، 3 ہزار سے زائد امدادی کالز موصول ہوئیں۔

بیان کے مطابق طوفانی جھکڑوں کی رفتار بعض مقامات پر 122 کلو میٹر فی گھنٹہ تک پہنچ گئی۔ جھکڑوں کی شدت سے اُکھڑنے والے درختوں کی وجہ سے بجلی کے تاروں کو نقصان پہنچا اور ہزاروں گھروں کے لئے بجلی کی ترسیل منقطع ہو گئی۔ امدادی فون کالوں میں سے زیادہ تر درخت اُکھڑنے یا پھر عمارتوں کو نقصان پہنچنے کی وجہ سے کی گئی ہیں۔

آسٹریلیا محکمہ موسمیات سے مارک اینولاک نے کہا ہے کہ میلبورن کے مشرق میں موسمی حالات بہتر ہو رہے ہیں۔ فرینکفرٹ میں 122 کلو میٹر فی گھنٹہ کی رفتار سے چلنے والی ہوا حالیہ 15 سالوں کی شدید ترین ہوا تھی۔

درخت اکھڑنے کے وجہ سے بعض راستے ٹریفک کے لئے بند ہو گئے ہیں اور بجلی کے تار ٹوٹنے کی وجہ سے صوبے میں لوکل ٹرانسپورٹ کا ٹائم ٹیبل متاثر ہوا ہے۔