امریکہ: اگر چین نے اجازت نہ دی تو اسے بین الاقوامی تنہائی کا سامنا کرنا پڑے گا
اگر چین نے کووِڈ۔19 وائرس کے ماخذ کے بارے میں حقیقی تحقیق کی اجازت نہ دی تو اسے بین الاقوامی تنہائی کا سامنا ہو سکتا ہے: جیک سولیوان
1662080
امریکہ کے مشیر برائے قومی سلامتی جیک سولیوان نے چین کو متنبہ کیا ہے کہ اگر اس نے کووِڈ۔19 وباء کا سبب بننے والے وائرس کے ماخذ کے بارے میں حقیقی تحقیق کی اجازت نہ دی تو اسے بین الاقوامی تنہائی کا سامنا ہو سکتا ہے۔
امریکی میڈیا کی خبر کے مطابق سولیوان نے کہا ہے کہ اس وقت موجودہ نقطے پر ہم کسی دھمکی یا الٹی میٹم کو شائع نہیں کریں گے۔ فی الحال ہم بین الاقوامی برادری سے تعاون حاصل کرنا جاری رکھے ہوئے ہیں۔
انہوں نے کہا ہے کہ چین کے اپنی ذمہ داریوں کو پورا نہ کرنے کی صورت میں ہم جوابی کاروائی پر نظر ثانی کریں گے۔ اور یہ سب ہم اپنے اتحادیوں کے ساتھ ہم آہنگی کے ساتھ کریں گے۔
سولیوان نے کہا ہے اگر چین وائرس کے ماخذ کی تحقیق کی اجازت نہیں دیتا تو اسے بین الاقوامی برادری میں تنہائی کا سامنا ہو سکتا ہے۔
