آسٹریلیا نے چین کے ساتھ اہم معاہدےمنسوخ کر دیئے

 آسٹریلوی حکومت نے چین کے ساتھ  "روڈ اینڈ بیلٹ" منصوبہ منسوخ کردیا ہے۔

 خبر کے مطابق،آسٹریلوی وزیر خارجہ مارس پائن نے ریاست وکٹوریہ اور چین کے ساتھ ہونے والے "بیلٹ اور روڈ"منصوبے کو ختم کرنے کا اعلان کرتے ہوئے کہا کہ نہ صرف  یہ منصوبہ بلکہ ر یاست وکٹوریہ کے چین بلکہ ایران اور شام کے ساتھ کیے گئے معاہدوں کو بھی منسوخ کردیا جائے گا کیوں کہ یہ معاہدے آسٹریلوی خارجہ پالیسی کے منافی ہیں تاہم معاہدوں کی منسوخی کا مقصد چین سے لڑائی نہیں ہے ۔

دوسری جانب آسٹریلیا میں چین کے سفارتخانے کی جانب سے جاری بیان میں اس اقدام کو اشتعال انگیزی قرار دیتے ہوئے کہا گیا ہے کہ آسٹریلوی حکومت چین کے ساتھ تعلقات کی بہتری کے لیے مخلص نہیں، اسی وجہ سے آسٹریلیا نے ایک مرتبہ پھر چین کے خلاف بغیر کسی وجہ کے اشتعال انگیز قدم اٹھایا ہے۔