امریکہ ایران سے پابندیاں ہٹانے کی تیاریاں کر رہا ہے

امریکہ ایران کے ساتھ جوہری سمجھوتے سے  غیر متوافق  پابندیوں کو ہٹانے کی تیاریاں کر رہا ہے۔

امریکہ وزارت خارجہ کے ترجمان نیڈ پرائس نے یومیہ پریس کانفرنس میں ایران کے ساتھ جوہری مذاکرات اور آسٹریا کے دارالحکومت ویانا کے مذاکرات کا جائزہ لیا۔

پرائس نے کہا ہے کہ امریکہ کو ایران کے ساتھ مذاکرات کی کوئی جلدی نہیں ہے۔ مذاکرات  مشکل رہیں گے اور ہم اس مشکل کا سامنا کرنے کے لئے تیار ہیں۔ ہمیں امید ہے کہ ہم  ویانا مذاکرات  کے اختتام پر امریکی مفادات  سے ہم آہنگ نتیجے پر پہنچ جائیں گے۔

انہوں نے کہا ہے کہ ہم، ایران کے ساتھ جوہری سمجھوتے کی شرائط کی طرف واپس پلٹنے کے لئے ضروری اقدامات کرنے کے لئے تیار ہیں اور اس میں جوہری سمجھوتے سے متناقض پابندیوں کو ہٹانا بھی شامل ہے۔

نیڈ پرائس نے کہا ہے کہ اس وقت میں یہ اعلان نہیں کر سکوں گا کہ ہم کن پابندیوں پر غور کر رہے ہیں اور  اس کے ساتھ ساتھ ایران کے ساتھ جوہری سمجھوتے کی بحالی کے لئے ہم یک طرفہ حوصلہ افزائی بھی نہیں کریں گے۔