لامحدود ڈاکٹرو ں کی تنظیم کے بحری جہاز ڈگنٹی ۔1 نے 150 مہاجرین کو بچا لیا
محدود ڈاکٹروں کی تنظیم کے بحری جہاز ڈگنٹی ۔1نے امسال 50 کاروائیوں میں چار ہزار سے قریب مہاجرین کو بچایا ہے۔
ترکی ریڈیو ٹیلیویژن لامحدود ڈاکٹرو ں کی تنظیم کے بحری جہاز ڈگنٹی ۔1 کیطرف سے بحیرہ روم میں مہاجرین کو ڈوبنے سے بچانے کی کاروائیوں سے عالمی برادری کو آگاہ کرنے کے عمل کو جاری رکھے ہوئے ہے ۔
ترکی ریڈیو ٹیلیویژن کے نمائندے لیونت اوزترک نے بحیرہ روم میں مہاجرین کی موت و زیست کی کشمکش کو اپنی آنکھوں سے دیکھا ہے ۔
انھوں نے بتایا ہے کہ لامحدود ڈاکٹروں کی تنظیم کے بحری جہاز ڈگنٹی ۔1نے لیبیا کے کھلے سمندر میں مہاجرین کو ڈوبنے سے بچانے کے لیے سپیڈ بوٹس کے ساتھ فوری طور پر جائے وقوع پر پہنچ کر پانک کا شکار مہاجرین میں لائف جیکٹیں تقسیم کیں ۔اس طرح امدادی ٹیموں نے 150 مہاجرین کو ڈوبنے سے بچا لیا لیکن سمندر میں بہنے والے تیل ا ور پانی کو نگلنے والے تین مہاجرین کی حالت نازک ہے جبکہ تین مہاجرین ڈوب کر ہلاک ہو گئے ہیں ۔بچائے جانے والے مہاجرین کو بعد میں اٹلی کی کوسٹ گارڈ کے حوالے کر دیا گیا ۔
محدود ڈاکٹروں کی تنظیم کے بحری جہاز ڈگنٹی ۔1نے امسال 50 کاروائیوں میں چار ہزار سے قریب مہاجرین کو بچایا ہے جبکہ اسی تنظیم کے تین جہاز وں نے اس سال بحیرہ روم سے 20 ہزار مہاجرین کو موت کے پنجے سے بچا لیا ہے ۔
